السلام عليكم ورحمة الله وبركاته
كنت جايه استأذن مدونتي علشان هاخد اجازة وده اساسا الطبيعي عندي في اجازة على طول
بس المرة ديه هطول شويه
ادخل في الموضوع
اصل اكتشفت اني غير محظوظه
الهم ورايا ورايا وكأني اصبحت بلا قيمه عند نفسي وعند الاخرين
ياتري العيب في ايه مش عارفه يمكن الكتالوج مش ماش مع اي حد
يمكن اكون انا وحشه والباقي كويسين يمكن !!!!!!!!!!!!!
كان ظني اني الحياه هتكون احسن مما كنت اتصور
ولكن غالبا تاتي الرياح بما لاتشتهي السفن
مش محتاجه اقول لاني عارفه نفسي كويس
لي نفس شديدة التعلق بالاخرين
فيقال دائما
لاتبحت عن من تحب فتصير عبدا
ولكن ابحث عمن يحبك فيجعلك ملكا
وانا عمري ما هكون عابده غير لله طبعا
واكيد ولا التانيه لاني الملك لله
اكتشفت اني مفيش حاجه اسمها حب ايا كان نوعه
والله تعبت لكن انا اللي غلطانه
اذاي ابقى محتاجه ده كله من اشخاص ولي رب كريم قريب
اقرب لي من حبل الوريد
يسمعني ويشعر بي
اكتشفت اني ضيعت كتير من عمري علشان اكون انا وشخص اخر واحد
وطبعا ده لا يمكن ابدا
ولكن ما ذنبي انا في مشاعري مع الاخرين
لماذا لم ااخذ مثلما اعطي
فيبدوا ان عطائي يفوق عطائهم بكثير
الحنيه !!!!!!!!!!!!!!!
افضل ادعي يارب حنن قلب فلان عليه
حتى لوكان ابي
ونسيت ان االله هو الحنان المنان وانما عطاء البشر بحدود ووقت الحاجه والمصلحه
ايقنت ان العمر بلا عمر
فسريعا ما ينتهي ولا يبقى لي اني اتجرحت من اشخاص سعيت عمري كله في البحث عنهم
اصبحت معرفش مين عدوي ومين حبيبي فكلاهما متشابهان الى حد التطابق
وتمنيت ولكن ما اصعب التمني
تمنيت ان اكون في عصر حبيبي ورسولي سيدنا محمد صلى الله عليه وسلم
ما ذنبي انا
فانا لم افكر ولم احسن التفكير
ولكن يبقى لي شمعة امل
ولكن في النهايه شمعه ضوئها على ادها
واخيرا جوايه اكتر من كده
ولكن ما ذنب قارئ الرساله