بكتب الان وتكاد دموعي تغطي وجهي
لدرجه اني لم استطيع ان اشوف ما اكتبه
بكتب ولا انتظر اي تغير فعادي تمر الايام ولم يتغير في حياتي سوى التاريخ
انا ذي ما انا فشلت نعم فشلت
لم احصل على اي شيء سوى الهم
ضيعت عمري كله على الفاضي
انا عارفه اني على طول بكتشف
اه بكتشف الدنيا كل يوم بشكل الجديد
لكن انا اهم مين انا علشان يحمل همي معه
للدرجه ديه مزرعتش حاجه علشان احصدها
خلاص ما فيني اعطي لحد الامان
ولا حتي الاحساس لو كتب لي الله العمر فلا احب ولا اشعر ولا اسمع ولا اتكلم
ساعيش مثل الجماد
كل الناس اللي مرت في حياتي
ذي بعضها انا مش مهمه عند حد يمكن الجزمه اهم مني
مش زعلانه لاني هي ديه الحقيقه
خد عندك اللي يتمسخر عليه ويتسلى
بيه وكأني يا بشر مش عايشه في وسط بشر
لكني وبكل صراحه عايشه في وسط ذي ما بيقولوا وحوش
بقيت بتمنى الموت في كل لحظه
علشان ارتاح
ولكن ما يمنعني اني اتمناه بين اللحظات مسؤليتي اللي كلفني بيها ربي
مش بسال عن الحل
لاني انا بس اللي عارفه الحل
اذاي يعيش الانسان من غير شعور واحساس
بحثت في وجوه كثيره ولكني اري الملامح الحاده التي لاتحمل سوى الجفاف
في كل شيء
عايزه كوكب تاني عالم تاني ابتدي فيه من جديد
لاني اللي ببحث عنه صعب اوي مع اني كنت فاكره انه اسهل ما يكون
خلاص مش عايزه حد عرفت كل واحد على حققته
وبقيت مكتوب عليه لافته تنص على
(وقت الحاجه )
مش هقول اني كرهت حد
لكن هقول كرهت نفسي اوي
لانها ضعيفه واخف من ريشه الفرخه
مجرد كلام احاسيس
لعل الورق والكمبيوتر يتحملها اكتر من البشر
لا تواخذوني يبدو اني اتجننت
ايه اتجننت لما حسيت في يوم من الايام اني في حد في الدنيا ديه ينفع تحس بيه
وتحسسوا بوجودك جامبه طول الوقت وانك تتحمل معاه كل حاجه حتى لوكان هيشيل جبل على كتافه
اتجننت لاني عشت في الاحلام
ولم انزل على ارض الواقع المؤلم
اتجننت لاني سمعتهم وحسيت بيهم ووساتهم كمان وما اخذتش منهم غير المسخره
والمعايره
تفرق في ايه اموت النهارده ولا بكره ولا حتى بعد عشر سنين
اكيد في يوم هبقى تراب مش هينفع يتلم
هحاسه اني ولا حاجه
كفايه مش قادره
شكرا ليكي يانفسي على ما تحملتي
اللهم ان كانت الحياه شر لي فتوفني وانت راضي عني
علشان يارب عملت اللي عليه على اكمل وجه
الحمد لله على كل شيء