ترحيب بالزوار


هذه المدونه شامله يعني بتتكلم عن كل حاجه في حياتنا
بما تشمل الفرح والحزن الضحك والبكاء الفرفشه والعكننه
والخواطر الشخصيه والعامه
قل لمن يحمل هما في قلبه
ان همك لن يدوم
مثلما تفنى السعادة
هكذا تفنى الهموم


سأكـتـبـهـا عـلـى جـبـيـن الـمـجـد عــنــوانـــــــا مــن لـــم يــعـشـق "رسـول الله" لـيـس إنـسانا

سأكـتـبـهـا عـلـى جـبـيـن الـمـجـد عــنــوانـــــــا مــن لـــم يــعـشـق "رسـول الله" لـيـس إنـسانا
سأكـتـبـهـا عـلـى جـبـيـن الـمـجـد عــنــوانـــــــا
مــن لـــم يــعـشـق "رسـول الله" لـيـس إنـسانا
فـ والله لو إنتقلت الأهرامات من مصر إلى الصين
ولــو عـاد الـرجـل الـكـبـيـر إلـى بـطـن أمـه جنين
ولـو إنـتـقـل الـقـلـب مـن الـيـسـار إلـى ا...لـيـمين
... سـأبـقـى مـسـلماً موحداً لـ رب الــعـــالـــمـيــن
حــــتـــى مـــمـــاتـــى ولـــو بـــعـــد حــــيــــــــن
فـ صـلــوا عـــلــــى الـــبـــشـــيـــر الـــنـــذيــــــــر

بحث هذه المدونة الإلكترونية

القرأن الكريم

هكذا تمر الايام

الثلاثاء، 20 سبتمبر 2011

وهل تقف الحياه


عندما يتملكني حلم ولكنه لم يتحقق
انها مشيئة الله والحمد لله
ظليت فتره طويله احلم وكاني منأكده اني حلمي هيتحقق
وفجأه اذا بي افوق على الحقيقه التى لم تتغير ابدا
ايقنت وقتها بشيئ جديد في حياتي وهو طعم لم اتذوقه من قبل وهو
الح______________رمان
نعم الحرمان لدرجه اصبحت فيها لم اعد اقدر اسيطر على نفسي
افكر باستمرار وكلما ايقنت انه لم يتحقق اعض عل يدي في حسره واقول يا ليتني
واوقات اخرى من كتر ماانا اعلم جيدا بعدم تحقيق حلمي واني اتحرمت واذقت طعم الحرمان
اتخيل اني المعجزة حدثت وتحقق الحلم واتخيل باني عيشاه
ولكنني اقول دايما لنفسي اذا ادردت شيء بقوة فأتركه فاذا عاد اليك فانه لك واذا لم يعد اليك فهو ليس لك من البدايه
مين فينا عنده كام حلم حلمه ويا ترى كلهم اتحققوا ولا بعضهم
اكيد طبع مش كل احلامنا بتتحقق
ولكن نخرج لشيء اخر او معنى تاني مختلف عن الحرمان بكتير وهو الرضى
ال__________________رضا
نعم الرضا وعندها بيحس الانسان انه احلامه لم تعد احلام ولكنها مجرد مطالب بنتمنى تتقضى
ولكنها اذا ما تحققت تلك المطالب فذاك شييء عادي يندرج تحت مسمى الرضا
ومن ثم فان الرضى بيجلب للانسان السعاده
حتى اذا تخيلنا اننا نسأل السعادة اين انت
ترد السعاده وتقول في قلوب الراضين
والان انا حبيت اسال مين فينا عنده حلم ومتحققش
ومين محروم ومين راضي ومين سعيد
انا عن نفسي بجمع كل الاشياء ديه في وقت واحد يعني بحس بيها كلها
وسلام عليكم
والسلام ختام

هناك 14 تعليقًا:

  1. بصى يا ريرى كل ما الحرمات يزيد بتبقى فرحتك بالحاجات التى بتيجى اكبر وليها طعم احلى
    واصلا الرضا ده بجد جميل جدا ومش تلاقيه عند اى حد

    ردحذف
  2. كتير مننا من كتر مانفسهم فى حلم معين بيحاولوا يعشوه فى الخيال حتى علشان يقللوا من الم الحرمان وده صح الى حد ما نفسيا

    الرضى بالمقسوم مش احساس مضاد جايز حتى يخفف من الم الحرمان لكنه مش هيلغيه دى طبيعه بشر
    ربنا ينولنا اللى فى بالنا يارب

    ردحذف
  3. شكرا ليكي لوزه على اهتمامك وردك عليه
    نورتيني
    عارفه المشكله اني اتحرمت من حاجه كان نفسي فيها اوي
    واصبح الان خلاص مش هتنفع تتحقق
    بس الحمد لله على كل شيء
    كده كده العمر مهما طال قصير

    ردحذف
  4. reemaaas
    نورتين يا قمرايه كلامك حلو اوي
    بس تعرفي كل اللي انا خايفه منه
    هو احساسي باني ربنا مش راضي عني علشان هتجنن على الحلم ده
    عموما الحلم ده ممكن يتحقق لسه في امل لاخر شهر 10
    بس ديه تبقى معجزه بس مش بعيده عن ربنا
    ادعولي

    ردحذف
  5. الحمد لله
    اغلب احلامي والرئيسي منها تحقق
    كان عندي حلم في امل علي كبر
    مااتحققش بس مش زعلاتة
    عارفة ان ربنا اراد بي خير
    وده ايمان مني بذلك
    :))

    ردحذف
  6. احلامى لسه بتتولد جوايا بحاول احوط عليها واسقيها باجتهادى ..لم اعلم قبل ذلك ان تحقيق الاحلام شئ صعبا ..ليس فقط للوصول اليه وانما ايضا للحفاظ عليه الا يموت وينقضى بداخلى ...
    وعند ايقان ان عشان ربنا يوفقنى لازم اجتهد فى الوصول ..والحلم لايجب ان يترك لانه اذا ترك سيكون كالطائره الورق الذى طارت فى السماء بقوه ولن ترجع تحت اى ظرف مره اخرى اليكى
    البوست رائع سعيده بجد انى داخت مدونتك " نيللى " مدونه يوم من عمرى

    ردحذف
  7. شمس نورتيني يا شموسه
    ويارب يحقق احلامك كلها
    ويوفقك ان شاء الله في حياتك
    شكرا ليكي على اهتمامك

    ردحذف
  8. نورتيني يا نيلي
    واسعدني تواجدك في مدونتي المتواضعه
    ساعات بنحس اني في احلام مستيل تحققها بس بقول يارب
    تحياتي لكي ودايما في تواصل
    وحافظي على احلامك كلها اوعي تسبيها تدوب منك

    ردحذف
  9. لايوجد مستحيلللللللللل ...تمسكى واقوى وتوكلى على الله ..سعيده بجد بمدونتك

    ردحذف
  10. انا سعيده اكتر يا نيلي بوجودك يا قمرايه
    وربنا ما يحرمني من طلتك عليه
    وشكرا ليكي على اهتمامك

    ردحذف
  11. كل انسان منا لديه احلام كثيره وكل منا يتمنى تحقيق هذه الاحلام لكن قليلا منا هو من يستطيع ويبقى السراب هو السبيل للباقى .
    حقيقتا لابد ان نعترف اننا لن نستطيع ان نحقق كل احلامنا لكن الجميل فى المشوار اننا نحاول ان نحقق ولو القليل منها
    اما الحرمان فلابد ان نتقرب الى الله حتى لا نفقد الايمان به وهنا سنشعر بان الحرمان بعيد عنا فالله خير عوض لنا يوصل من هنا قبل ان يقطع من هنا لهذا فلا يوجد حرمان باذن الله تحياتى الخالصه الاحـــــــــــلام
    ملحوظه انا كتبت تعليق قبل ذلك بالم ولن اعرف اين دهب .

    ردحذف
  12. لو عايزنا نطلع بمفاهيم محدده لاحلامنا في الدنيا دى
    هتلاقي محدش راضي محدش صابر محدش مستريح علي اي وضع محدش في الاخر بيقبل الواقع محدش بيجاهد يغير كل دة

    علشان كدة بنرجع عدم تحقيق احلامنا لقدر والمكتوب
    او اننا لازم نرضي علشان ناخد الاحسن بعدين
    او ان ربنا شايل لينا الافضل وهو الاعلم

    بس ناسينا السعي اللي ربنا قال عليه مش كله بيرجع لتلت اسباب دوال احيانا استسلامنا بيرغمنا منحققش حاجه غيرنا يقدر يحققها بمنتهى السهوله وهو مش افضل مننا :):)

    ردحذف
  13. الاحلام والله انا مش عارفه اقولك ايه
    انت بجد منورني ونصيحتك ليه انا بشكرك عليها جدا
    ثانيا حلواوي الجمله بتاعت اني ربنا بيوصل من هنا قبل ما يقطع
    عندك حق والله بس انا عيبي يمكن قلة الصبر
    الله يسامحني على قله صبري سبحان الله وخلق الانسان عجولا
    وعلى فكره انا مش عارفه فين التعليق اصلا انا كنت عايزه اعمل اللي هي بتاعت موافقه مالك المدونه على التعليق ومعرفتش وجايز يكون التعليق غصب عني اتمسح
    انا اسفه جدا
    وشكرا لمرورك

    ردحذف
  14. رونا منوارني يا قمر
    معلش مشفتش تعليقك الا لما انت قولتيلي
    سامحيني
    بس والله انا سعيده جدا بكلامك ليه
    الله لا يحرمني منك
    وفعلا ذي ما انت قولتي محدش راضي ولا مستريح
    بس لو علمنا الغيب لاختارنا الواقع بكل ما فيه
    بس فين الصبر والتحمل على الحرمان

    ردحذف

قـول اللـى فــى نفــسك ,وما تبخلش عليه بكلمه