ترحيب بالزوار


هذه المدونه شامله يعني بتتكلم عن كل حاجه في حياتنا
بما تشمل الفرح والحزن الضحك والبكاء الفرفشه والعكننه
والخواطر الشخصيه والعامه
قل لمن يحمل هما في قلبه
ان همك لن يدوم
مثلما تفنى السعادة
هكذا تفنى الهموم


سأكـتـبـهـا عـلـى جـبـيـن الـمـجـد عــنــوانـــــــا مــن لـــم يــعـشـق "رسـول الله" لـيـس إنـسانا

سأكـتـبـهـا عـلـى جـبـيـن الـمـجـد عــنــوانـــــــا مــن لـــم يــعـشـق "رسـول الله" لـيـس إنـسانا
سأكـتـبـهـا عـلـى جـبـيـن الـمـجـد عــنــوانـــــــا
مــن لـــم يــعـشـق "رسـول الله" لـيـس إنـسانا
فـ والله لو إنتقلت الأهرامات من مصر إلى الصين
ولــو عـاد الـرجـل الـكـبـيـر إلـى بـطـن أمـه جنين
ولـو إنـتـقـل الـقـلـب مـن الـيـسـار إلـى ا...لـيـمين
... سـأبـقـى مـسـلماً موحداً لـ رب الــعـــالـــمـيــن
حــــتـــى مـــمـــاتـــى ولـــو بـــعـــد حــــيــــــــن
فـ صـلــوا عـــلــــى الـــبـــشـــيـــر الـــنـــذيــــــــر

بحث هذه المدونة الإلكترونية

القرأن الكريم

هكذا تمر الايام

الجمعة، 2 مارس 2012

كراكيب



كنت قاعدة شويه مع نفسي وبفكر وحاسه اني ماشيه
طريق طويل اوي مش عارفه ايه النهايه
حاسه اني ذهئت ومش قادرة اكمل
ولما بقول كده لحد يقولي حرام عليكي يا شيخه
لسه المشوار طويل انتي فين والزهئ
فين انت لسه شوفتي حاجه
وقتها بسكت ومتكلمش واقول بيني وبين نفسي
اصل اللي ميعرفش يقول عدس ههههههههه
_______________________________________________________
الدنيا ديه غريبه اوي تبقى واقف جمب الناس كلها
ومعاهم في حزنهم قبل فرحهم ولما تكون انت حزين ما تلاقيش حد جمبك
ولو بمجرد كلمه حلوه
ساعات كتير اوي ابقى محتاجه الاحساس ولو بكلمه خفيفه تشيل عني اي هم
بجري بسرعه واصلي واقول يارب خدني في حضن رحمتك
فعلا الاحساس ده نعمه واللي يكره يعمي ههههههههههههههه
______________________________
نفسي اشغل وقتي باي حاجه ولو اني اساسا معنديش وقت
بجد نفسي اشتغل
البلد ديه رغم اني مش لاقيه فيها شغل بس بحبها
نفسي بجد افيدها وتفيدني
يعني اخدت بكالوريوس واخدت دبلومه في الماكس والفوتوشوب
وقدمت في شركات كتير وبرده ذي ما انا
اعمل ايه يعني تاني والله بجد ذهئت اوي
___________________________
اما بقى الناس وعمايلها المستفزه
تبقى عارف من فلان اني فلانه اتكلمت عليك
وتيجي اللي اتكلمت عليك ديه وتعاملك ولا اكني جابت سرتك في حاجه
يالهوي على الناس اللي بوشين ديه ____
مع اني بيقولك ما شتمك الا اللي بلغك
الواحد نفسه يتكلم
ومحدش يقوله اسكت ويطلع كل اللي جواه
بس كل واحد ليه طاقه
سبحان الله على طبع الانسان
وفي النهايه استودعكم الله



هناك 15 تعليقًا:

  1. صباحك سكر كربكه
    نبدا بالخاطره الاولى نفس الاحساس بشعر احيانا انى مش قادره اكمل الشعور بالزهق اليومين دول كثر اوى وكأن فى فيرس للزهق
    الخاطره الثانيه الحمد لله بلاقى اهلى جنبى هما الايد الحنينه عليه
    الخاطره الثالثه مشغوله ويمكن اليوم مبيقضيش لكن نفسى زيك اشتغل بس ايه مش عارفه
    الخاطره الرابعه
    مش عارفه ليه اللى دايما يبلغك يقولك متقوليش يعنى الواحد يكتم فى قلبه بعد ما يسمع شتيمته بودانه حاجه تفرس بصحيح
    خواطر واقعيه مليون الميه وبنمر بيها ولسه ياما حنشوف يا دنيا
    تحياتى لاحمل كربكه

    ردحذف
  2. بدل ماتقولى كراكيب قولى مناظير المناظير التى تستخدم فى الجراحة لاستئصال الداء
    اذا كان اللى يتقوليه كراكيب يا كريكه ياريت كل اللى فيه عيب يصلحه
    بوست اجتماعى نفسى عميق

    ردحذف
  3. مساء الغاردينيا ريري
    بس اناشايفاها مش كراكيب بلعكس دي احاسيس بتمر بيكي غصب عنك حتى لو بتألم وبتوجع بس دا هو حال البشر للأسف الاجمل لما تحسي بألم تلاقي الايد الي بترتاحي لها تطبطب عليكي والقلب الي بيحبك جنبك ويارب اشوفك مشغولة ههههه بس مش عننا "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  4. مساء الورد ريري

    بوح نفس وتساؤلات لا بد منها حتى ترتاحي وقد لا تجدي إجابة ولكن يكفيك أنها خرجت من داخلك ...

    طريقنا طويل يا ريري ولن يتوقف هذا الطريق إلا بموتنا لذلك طولي بالك ..

    كثير ما نواسي الناس ونبقى بجانبهم في كل المواقف وطبيعي نتلقى صفعات حياة منهم ولكن هذا لا يعني أن نتخلى عن أسلوب حياتنا مع الجميع ففي النهاية نحن نسعد أنفسنا قبل أن نسعدهم ...

    لا تنتظري وظيفة يا ريري شغلي مخك وفكري بشغل خاص فيك حتى لو بدأتي من الصفر فكثير من عظماء العالم بدأو من اللاشيء وأصبحوا كل شيء ...

    الغيبة طبع نهى عنه الدين وأعتبره من الذنوب الكبيرة التي لا علاج لها ولا تمحى إلا بمسامحتك لمن أغتابك ورغم ذلك نجد كثير يتساهلون فيها ...

    تحياتي وإحترامي

    ردحذف
  5. صباح الخير , ربنا يوفقك ان شاء الله وطريقك يبقي كله سعاده وفرح ومافيش احسن من ربنا علشان تلجأيله وان شاء الله تلاقي الشغل اللي انتي بتحبيه
    دومت بخير

    ردحذف
  6. فعلا الواحد بستغرب من كائنات
    غريبه بنصافها ونقعد نقول في ناس كده
    ولعلمك كتلروا اوي
    وبقي الواحد حاسس انه هو اللي غريب
    صدقت سيدتي

    ردحذف
  7. الحياة فيها من كل شكل ولون بس لازم نعيش ونعامل الناس على قدر عقولها والانسان كما نقول ما لية الا المظاهر او الفعل الامامى عندما يعاملنى س كويس اعاملة كويس ولو عمل العكس اتصرف حسب الموقف

    زهق واكتئاب دة شريط بيدور علينا كلنا واحسن حاجة ان احنا نقترب من ربنا وقتها كل حاجة بتهون

    ربنا يوفقك

    مع خالص تحياتى

    ردحذف
  8. صباحك سكر

    كلنا بنحس اننا زهقانيين وكلنا عندنا نفس الناس اللى بتفه احسسنا وراى سيب منهم وحسى كل الاحاسيس سلبيه او ايجابيه لحد ماتجيبى اخرها علشان ماترجعش تانى

    اما الناس البجحة اللى بتتكلم عليكى من وراكى وتضحك فى وشك فزى ماقولتلك
    بجحين

    ردحذف
  9. دائما نجد كلام بداخلنا حائر لا يجد مكان ولا يجد من يسمعه فنفتح قلوبنا لمدوناتنا لنبوح بها بكل ما فى قلوبنا تاره تكون احوالنا سعيده وتاره تكون احولنا حزينه ولكن نظل نصبر انفسنا دوما ........تسلمى ريرى على الكلمات الجميله

    ردحذف
  10. على رأي وائل
    افتحى قلبك لمدونتك هيه الوحيدة اللى حتسمع كل اللى بتقوليه من غير ما تقاطعك،ولا تعاتبك،،
    اما عن الشغل حاولى تدوري على حاجة تانية انتى هاوياها يمكن هيه ديه اللى ربنا مقدرهالك
    الواحد بيدرس حاجة بيحبها و بتبقى عنده هوايات
    يفضل يستنى الفرج من اللى درسة و أخد من وقته و مجهوده و فلوسة لكى يتميز فيه،، و يفضل مستنى شهر و سنه و أكتر كمان
    و بعدين فجأ يشغل نفسه بهواية من هواياته و سبحان الله تلاقيها هيه اللى ربنا مقدرهاله انها تكون مورد رزقه
    ربنا يوفقك للخير دايما
    تحياتي

    ردحذف
  11. صباح الفل

    ربما المرة الاولى التى ازور مدونتك على ما اعتقد لكنى سعيد بها
    اقول لكى الحقيقة انا جيت اشكرك على تعليقك عند استاذ فاروق لانك قلتى ما اريد ان اقوله باختصار و انا حاليا تقريبا فقدت القدرة على الحوار

    ناتى للبوست انا تقريبا كنت عايز ارد على كل خاطرة بس لقيت ان بيجمعه فى النهاية رد واحد هو

    و ارجع و اقول لسه الطيور بتفن و النحليات بطن و الطفل ضحكه يرن مع ان مش كل البشر فرحانيين

    تحياتى

    ردحذف
  12. كل سنة وانتي طيبة ياجميلة:)

    ردحذف
  13. السلام عليكم ::: ممكن استاذن حضرتك للانضمام معى فى مدونتى البسيطة هذه لأنى وبكل صراحة لم اعرف احد من الاصدقاء عنده مدونة واعتذر:::

    http://samiaboserea.blogspot.com/

    ردحذف
  14. احيانا يتحكم على الانسان ان يتحدث مع نفسه واحيانا يشعر بالضيق واحيانا يشعر بالراحه ولكن فى النهايه تاتى الراحه لانه يبوح بما فى داخله حتى ولو لنفسه اشعر ان مدونتك هى صديقتك واشعر ايضا انه ليس هناك صديقه قريبه منك جدا غيرها المهم انها تسمعك كما نفعل هنا مع البحر نشكو له ويسمعنا ونذهب الى بيوتنا ونحن فى منتهى السعاده
    تمنياتى لكى بالسعاده ودوام الصحه
    تحياتى ابوداود

    ردحذف

قـول اللـى فــى نفــسك ,وما تبخلش عليه بكلمه